Юрыдычны аддзел Баранавіцкага гарадскога выканаўчага камітэта (далей - юрыдычны аддзел) створаны ў мэтах прававога забеспячэння функцыянавання Баранавіцкага гарадскога выканаўчага камітэта (далей - гарвыканкам) і захавання законнасці яго дзейнасці.

Юрыдычны аддзел камплектуецца з ліку спецыялістаў, якія маюць вышэйшую юрыдычную адукацыю і стаж працы па спецыяльнасці, устаноўлены заканадаўствам.

Юрыдычны аддзел з'яўляецца структурным падраздзяленнем гарвыканкама і падпарадкоўваецца непасрэдна старшыні гарвыканкама.

Асноўнымі задачамі юрыдычнага аддзела з'яўляюцца:
- садзейнічанне ў забеспячэнні захавання законнасці ў дзейнасці гарвыканкама і іх службовых асоб;
- ажыццяўленне кантролю за адпаведнасцю дзеючага заканадаўства праектаў нарматыўных прававых і іншых прававых актаў, распрацаваных гарвыканкамам, што прадстаўляюцца на подпіс кіраўніцтву гарвыканкама;
- непасрэдны ўдзел у распрацоўцы праектаў нарматыўных прававых і іншых прававых актаў у адпаведнасці з кампетэнцыяй гарвыканкама;
- прававое кансультаванне службовых асоб і структурных падраздзяленняў гарвыканкама па асноўных напрамках яго дзейнасці;
- вядзенне ўліку нарматыўных прававых актаў прынятых (выдадзеных) гарвыканкамам, удзел у фарміраванні ў Рэспубліцы Беларусь адзінага эталоннага банка даных прававой інфармацыі;
- прадстаўленне інтарэсаў гарвыканкама ў судах і іншых дзяржаўных органах па прававых пытаннях.