У Баранавічах стартуе штогадовы агляд-конкурс на лепшае навагодняе афармленне будынкаў і прылеглых да іх тэрыторый сярод арганізацый, індывідуальных прадпрымальнікаў, жыхароў - уласнікаў аднакватэрных жылых дамоў. 

Агляд-конкурс праводзіцца на падставе Палажэння, зацверджанага рашэннем Баранавіцкага гарадскога выканаўчага камітэта ад 12 жніўня 2016г. № 2305 "Аб правядзенні штогадовых гарадскіх аглядаў-конкурсаў". 

Агляд-конкурс праводзіцца па наступных намінацыях: "Лепшая арганізацыя вытворчай сферы дзейнасці па навагоднім афармленні з колькасцю работнікаў ад 15 да 400 чалавек"; "Лепшая арганізацыя вытворчай сферы дзейнасці па навагоднім афармленні з колькасцю работнікаў звыш 400 чалавек"; "Лепшая арганізацыя іншых сфер дзейнасці па навагоднім афармленні"; "Лепшы суб'ект прыватнага прадпрымальніцтва па навагоднім афармленні"; "Лепшая прыдамавая тэрыторыя па навагоднім афармленні". 

Для ўдзелу ў аглядзе-конкурсе арганізацыям, індывідуальным прадпрымальнікам і грамадзянам, якія з'яўляюцца ўласнікамі аднакватэрных жылых дамоў, неабходна да 1 студзеня падаць заяўкі для ўдзелу на электронны адрас: reception@barjkh.by (прыёмная КУМОП ЖКГ "Баранавіцкая гарадская ЖКГ"). 

Камісія пачне працаваць з 23 снежня бягучага года. 

Давайце ўсё разам падорым нашаму гораду навагоднюю казку! 

Заяўка на ўдзел у гарадскім аглядзе-конкурсе на лепшае навагодняе афармленне будынкаў і прылеглых да іх тэрыторый сярод арганізацый горада Баранавічы 

Назва арганізацыі: 

Прозвішча, імя, імя па бацьку (цалкам) кіраўніка: 

Паштовы адрас: 

П.І.Б. і нумар тэлефона адказнага за ўдзел у конкурсе: 

Заяўленая намінацыя: